#

भुटानलाई हराउँदै नेपाललाई स्वर्ण

  पथरी अनलाईन   २४ मंसिर २०७६, मंगलवार

नेपालले १३ औं दक्षिण एशियाली खेलकुद (साग) अन्तर्गत पुरुष फुटबलमा स्वर्ण पदक जितेको छ ।

 

त्रिपुरेश्वरस्थित दशरथ रंगशालामा आज भुटानलाई २–१ गोल अन्तरले पराजित गर्दै नेपालले स्वर्ण पदक जितेको हो ।

नेपाललाई स्वर्ण दिलाउन अभिषेक रिजाल र सुनिल बलले एक एक गोल गरे । खेलको १६ औं मिनेटमा अभिषेकले गोल गर्दै नेपाललाई अग्रता दिलाएका थिए ।

भुटानका कप्तान चेन्चो ग्याल्सेनले गोल गर्दै खेल बराबरीमा ल्याएका थिए । तर, खेलको ५२ औं मिनेटमा सुनिलले गोल गर्दै नेपाललाई स्वर्ण पदक दिलाए । यससंगै नेपालले लगातार दोस्रो पटक साग फुटबलमा स्वर्ण पदक जितेको छ ।

भुटानले भने पहिलो पटक साग फुटबलमा रजत पदक जितेको छ । यो जित सँगै नेपालको स्वर्ण संख्या ५१ पुगेको छ ।

सम्बन्धित शीर्षकहरु